RUMAFRICA Magazine

RUMAFRICA FASHION

RUMAFRICA FASHION

KWAYA YA SAYUNI KINONDONI WAFANYA UINJILISTI HOSPITALI YA TAIFA NA WATOTO YATIMA

Kwaya ya Uinjilisti Sayuni yenye makao makuu yake kanisa la Kilutheri Kinondoni jijini Dar es salaam, siku ya jumapili iliyopita waliendeleza wimbi lao la Uinjilisti kwakuwatembelea watoto waliozaliwa na vichwa vikubwa katika hospitali ya taifa Muhimbili pamoja na watoto yatima wa kituo cha Malaika kilichopo Kinondoni jijini hapo.

Akizungumza na GK mwenyekiti wa kwaya hiyo bwana James Makatta amesema kwaya hiyo imekuwa ikifanya huduma kama hizo kwa muda mrefu ingawa si kwa mfululizo na wamekuwa wakimuona Mungu akiipigania kwaya hiyo kwakufanya ibada kama hizo na kutoa wito kwa vikundi vingine na jamii kwa ujumla kujenga utamaduni wa kuwatembelea watu wasiojiweza na wenye uhitaji ili kutimiza wajibu wa Mkristo kwa vitendo na si maneno pekee.
Ambapo kwaniaba ya hospitali hiyo mmoja wa wauguzi aliishukuru kwaya hiyo, na kutoa wito pia kwa watu wengine kufika hospitalini hapo kusaidia watu kwakuwa kuna wazazi wapo zaidi ya miezi sita wakiwa tunza watoto wao ambao wanapata matibabu wengine wakiwa wametelekezwa bila msaada. Baadhi ya vitu ambavyo kwaya hiyo imetoa ni pamoja na dawa za meno, sabuni, biscuits, juisi huku katika katika kituo cha watoto yatima walitoa vitu kama hivyo pamoja na mbuzi mmoja na pesa taslimu 30,000.
Kwaya ya Sayuni ni moja kati ya kwaya kongwe nchini ambayo uimbaji wao ni wakipekee na wakitambulishwa sana na vazi la kimasai ambalo ni moja kati ya sare ya kwaya hiyo tangu miaka ya 90, kwasasa wameachia album mpya ya sauti iitwayo "Dua na Maombezi" ambayo wanaisambaza wenyewe huku wakiwa njiani kuachia video yao ambayo picha na mandhari ya maeneo yaliyotumika katika kurekodi video hiyo pamoja na ujumbe uliomo ndani ya nyimbo hizo utafanyika baraka zaidi kwa watu watakaobahatika kuipata. GK imeishuhudia video hiyo ikiwa katika hatua za mwisho za kuhaririwa.


Baadhi ya waimbaji wa kwaya ya Sayuni wakiwa nje ya wodi ya watoto kabla ya kuanza uinjilisti.







Muuguzi wa wodi hiyo akitoa shukrani kwa kwaya ya Sayuni kwa kutembelea wagonjwa hospitalini hapo

Comments