MADAM RUTI AFANYA MAKUU KATIKA TAMASHA LA UZINDUZI WA ALBAMU YA MERCY CHARLES KITUNDU

Hapa duniani Mungu amegawa karama na majukumu ya kumtumikia kwa kila mtu, hakuna mtu atakayesema yeye hana jambo la kufanya kwaajili ya Mungu. Madam Ruti ametambua wajibu wake hapa duniani na kutambua kile Mungu ameweka ndani yake. Baada ya kutambua aliamua kukifanyia kazi, Mungu alimuwezesha kufanya albamu yake ya JANA IMEPITA. Siku ya Jumapili 25.05.2014 katika uzinduzi wa albamu ya Mercy Kitundu aliweza kumtukuza Mungu na kumwimbia kwa furaha na shangwe, na hii ilisababisha watu wengi kumuunga mkono kwa kumshangilia kutokana na uimbaji wake na ujumbe aliobeba kwa kupitia wimbo wake wa JANA IMEPITA. Madam Ruti ambaye aliweza kuhudhuria ibada ya asubuhi ya Jumapili katika kanisa la KKKT Mbagala Zakiem kwa lengo zima la kumuunga mkono mwimbaji mwenzake.

Madam Ruti

Huu ni upendo wa ajabu sana amabao Madam Ruti anaonyesha kwa waimbaji wenzake kuiga. Kazi ya Mungu inahitaji ushirikiano na sio kuwa mwimbaji ambaye unatamani sana pesa na ukasahau uko katika kazi ya kumtumikia Mungu. Tuache wazo la kutamani fedha bali tumtangulize Mungu kwanza na Mungu atatubariki kwa njia nyingine na sio kwa kutegemea muziki kuwa chanzo cjha mapato yako. Kazi ya MUNGU sio biashara. Tunatambua ya kwamba unatumia pesa nyingi kurekodi studio, lakini muombe Mungu afungue milango katika kazi zako zingine ili yubarikiwe na uzidi kufanya kazi ya Mungu.

Rumafrica inalkupongeza sana Madam Ruti kwa moyo wako huo na endelea kufanya kazi ya Mungu na Mungu atazidi kukubariki na kukufikisha pale unapotamani kufika.