MAZISHI YA MWIGIZAJI WA FILAMU TANZANIA, SHEILA (RACHEL) HAULE

Msanii wa Bongo Movie Sheila (Rachel) Haule aliyezaliwa mwaka 1988, siku ya jana ilikuwa ni siku yake ya mwisho kuliona jua hapa dunia. Rumafrica ilifika kumlaza Rechal katika nyumba yake ya milele. Kipindi cha uhai wake Rechal alikuwa ni rafiki na mshauri mzuri wa kampuni ya Rumafrica. Kutokana na mchango wake Rumafrica imebaki na pengo kubwa sana.

CHANZO CHA KIFO CHAKE

Rachel Haule ambaye alikuwa mjamzito, siku ya Jumamosi 25.05.2014 alikimbizwa katika hospitali ya Lugalo hapa jijini Dar es Salaama kwaajili ya kujifungua na bahati mbaya sana baada ya kujifungua mtoto alifariki dunia. Hali ya Sheila (Rachel) Haule ilikuwa mbaya kutokana na pressure aliyokuwa nayo, alikimbizwa katika hospitali ya Muhimbili, kufika hospitalini hali ilikuwa mbaya sana na ikalazimika kumpeleka I.C.U na huko ndiko kifo chake kilimpata. Akiwa I.C.U alikuwa akilalamika sana kumuona mwanae lakini hakuweza kumuona mwanae mpaka mauti ilipomchukua.

Rechal Haule kipindi cha uhai wake alitamani sana kuwa na mtoto, alikuwa akizungumza sana juu ya kupata mtoto kwa rafiki yake kipenzi Odama. Odama alimtania na kumwambia akijifungua tu muda mchache watacheza filamu, Rachel alikataa na kusema anataka kumlea mwanae kwanza. Ndoto yake haijatimia na imezimika ghafla.

MANENO YA MWISHO ALIYOONGEA KWA RAFIKI YAKE JENNIFER KYAKA (ODAMA)

Rachel Haule alisema, "Odama nataka kumuona mwanangu, Je, umemuona mwanangu?" Masikini ya Mungu, Rachel Haule hakujua ya kuwa manae alishafariki.

MAZISHI

Mwili wa marehemu umeagwa katika viwanja vya Leaders na kuzikwa katika makaburi ya Kinondoni jijini Dar es Salaam siku ya Alhamisi 29.05.2014

MZIBA HUU UNATUFUNDISHA NINI?
Tunatakiwa kuwa karibu sana na Mungu, kwani hatujui kitu gani kipo mbele yetu. Unaweza kupanga hili lakini ukahsnga halikutimia. Nikajifunza ya kwamba tunatakiwa kuwa watu wa maombi na kujitakasa kila iitwapo dakika moja. Mungu wetu ndiye anayejua maisha yetu na wewe hujui hitima yako ni lini? Labda Rachel alipanga mengi na mchumba wake jinsi ya kumlea mwanae mpendwa lakini haijatimia ndoto yao. Watu wa Mungu tuzidi kumtumikia Mungu na kutubu dhambi zetu. Mungu amlaze mahali pema mpendwa wetu Sheila Haule..Amina

RUMAFRICA - MAKABURINI KINONDONI

Kushoto ni Rulea Sanga wa Rumafrica akimuaga rafiki yake Rachel Haule katika makaburi ya Kinondoni DSM

Rulea Sanga wa Rumafrica (kulia)

Rulea Sanga wa Rumafrica (katikati) akiwa na waandishi wa habari - Clouds TV

MATUKIOA MBALIMBALI YA MAZISHI YA SHEILA (RACHEL) HAULE

Odama wa pili kutoka kulia akiwa na mama Elieth

Odama wa pili kutoka kulia akiwa na uchungu wa kupotelwa na rafiki yake Rachel Haule

KIPINDI CHA KUOMBEA MWILI WA MAREHEMU

KIPINDI CHA KUTOA SADAKA BAADA YA NENO LA MUNGU

Kemmy akikusanaya sadaka

Irene Uwoya akiwa amezimia

KIPINDI CHA WASANII WA BONGO FLAVA KUMUIMBIA MAREHEM RACHEL HAULE

Stara Thomas alihubiri na kuimba

KIPINDI CHA KUAGA MWILI WA MAREHEMU SHEILA (RACHEL) HAULE LEADERS

Mwili wa Marehemu Sheila (Rachel) Haule

Mpenzi wa marehemu Sheila (Rachel) Haule, Saguda akiwa na uchungu nkubwa wa kufiwa mkewe na mwanae

Mpenzi wa marehemu Sheila (Rachel) Haule, Saguda akiwa na uchungu nkubwa wa kufiwa mkewe na mwanae

ANGALIA MATUKIO MENGINE KWA KUBOFYA (READ MORE) HAPO CHINI